Rythmískt nám

NÁM Í RYTMÍSKRI TÓNLIST
Hugtakið rytmísk tónlist er safnheiti yfir djass, rokk og skyldar tónlistartegundir sem ekki teljast til klassískrar tónlistar í almennri merkingu þess hugtaks. Miðað er við að nám í rytmískri tónlist sé eins upp byggt og lúti sömu lögmálum og annað tónlistarnám sem skilgreint er í aðalnámskrá tónlistarskóla en viðfangsefni eru að miklu leyti önnur.

Tónskólinn hefur kennt rythmíska tónlist í fjöldamörg ár, en nú þegar aðalnámskrá rythmískrar tónlistar hefur litið dagsins ljós verður sett enn meiri þungi í námið.

Aðalmunur á milli Rythmíska námsins og hins hefðbundna klassíska náms er að nemendur fá hálftíma á viku í einkakennslu á hljóðfærið sitt og fleiri tíma í samspili og aukagreinum.

Kennslugreinar:

• Gítar
• Bassi
• Píanó/Hljómborð
• Trommur
• Söngur

Upphaf náms
Nám í rytmískri tónlist getur hafist á ýmsum aldri. Sumir nemendur hefja tónlistarnám með rytmísku sniði en aðrir stunda hefðbundið tónlistarnám áður en rytmískt nám hefst. Þá er ótalinn sá hópur sem kynnist rytmískri tónlist meðfram hefðbundnu tónlistarnámi eða alfarið upp á eigin spýtur. Þessi fjölbreytti bakgrunnur og ólíki aldur nýnema í rytmískri tónlist kallar á sveigjanleika í námsframboði og kröfum, einkum í fyrri hluta námsins. Í ljósi þessa er boðið upp á tvær grundvallarleiðir til að hefja nám í rytmískri tónlist, annars vegar geta nemendur stundað rytmískt nám frá
byrjun og hentar þessi leið t.d. vel fyrir nemendur á rafgítar, bassa og trommur. Hins vegar er mögulegt, að nemendur, sem lokið hafa almennu grunnprófi á sitt hljóðfæri, hefji rytmískt tónlistarnám í miðnámi. Þessi leið á vel við eðli blásturs‐ og strokhljóðfæra.

Kennarar:

Bjarni Sveinbjörnsson – bassi – gítar

Kjartan Valdemarsson – píanó

- trommur

Jóhanna G. Linnet – söngur

Aftur Upp