Fréttir

Vortónleikar 12. maí í Seljakirkju.

Á morgun, 12. maí eru vortónleikar Tónskólans í Seljakirkju. Þetta verða fernir tónleikar kl. 10.00, kl.11.00, kl. 12.00, og kl. 13.00.

Allir velkomnir!

Nótan – lokatónleikar

Harmóníkukvintt, sem skipaður var nemendum Guðmundar Samúelssonar í Tónskóla Eddu Borg og Tónlistarskóla Grafarvogs tók þátt í lokatónleikum Nótunnar og stóð sig frábærlega vel. Þau fengu viðurkenningu og grip til eignar.

Frábært ungt tónlistarfólk – Til hamingju með þetta. Þið spiluðu yndislega vel.

Til hamingju Guðmundur Samúelsson stjórnandi og harmóníkukennari!

Eftirfarandi þrjú atriði í framhaldsnámi hlutu „Nótuna 2012“:

1. TÓNLISTARSKÓLINN Í GRAFARVOGI OG TÓNSKÓLI EDDU BORG / samleikur

Forleikur að Rakaranum í Sevilla/ G. Rossini

Jónas Ásgeir Ásgeirsson, harmónika

Halldór Pétur Davíðsson, harmónika

Flemming Viðar Valmundsson, harmónika

Haukur Hlíðberg, harmónika

Álfheiður Gló Einarsdóttir, harmónika

2. TÓNLISTARSKÓLINN Í REYKJAVÍK/ samleikur

Strengjakvartett op. 44 nr. 1

F. Mendelssohn, 1. kafli, Molto allegro

3. TÓNLISTARSKÓLI SELTJARNARNESS / samleikur

Gyðingaþrenna

Jiddísk þjóðlög

Úts: Arnór Ýmir Guðjónsson

Farandgrip Nótunnar hlaut strengjakvartett frá Tónlistarskólanum í

Reykjavík.

Nótan – lokakeppni

Nú um síðustu helgi voru svæðisstónleikar Nótunnar haldnir víða um land. Í Reykjavík voru tónleikar í sal FÍH á laugardaginn og stigu fjölmargir á stokk og fluttu fjölbreytt tónlistaratriði.

Tónskóli Eddu Borg átti tvö atriði á þessum tónleikum. Á grunnstigi samspil 9 – 11 ára nemenda með Bítlalag og síðan á framhaldsstigi, Harmóníkukvintett G. Sam en það eru nemendur Guðmundar Samúelssonar i TEB og Tónlistarskóla Grafarvogs. Þetta atriði var því sameiginlegt frá báðum skólunum.

Nemendur okkar stóðu sig vel og við erum afar stolt af því að Harmóníkukvintettinn komst áfram og spilar á lokatónleikum Nótunnar.

Lokatónleikar Nótunnar fara fram í Eldborg í Hörpu sunnudaginn 18. mars 2012.

Valnefndir á svæðisbundnum tónleikum Nótunnar hafa það hlutverk að veita framúrskarandi tónlistaratriðum viðurkenningar. Ákveðinn fjöldi atriða á hverju svæði fær verðlaunagrip Nótunnar sem veitir þátttökurétt á tónleikum á landsvísu sem er þriðji og lokahluti uppskeruhátíðarinnar.

Á lokatónleikunum verða flutt 24 tónlistaratriði sem skiptast þannig á landsvæði:

Lokatónleikar Nótunnar fara fram í Eldborg í Hörpu sunnudaginn 18. mars 2012.

Á lokatónleikunum verða flutt 24 tónlistaratriði sem skiptast þannig á landsvæði:

Frá svæðistónleikum fyrir höfuðborgarsvæðið utan Reykjavíkur, Suðurland og Suðurnes eiga sjö atriði þátttökurétt á lokatónleikunum.

Frá svæðistónleikum fyrir Reykjavík eiga sjö atriði þátttökurétt á lokatónleikunum.

Frá svæðistónleikum fyrir Vesturland og Vestfirði eiga þrjú atriði þátttökurétt á lokatónleikunum.

Frá svæðistónleikum fyrir Norður- og Austurland eiga sjö atriði þátttökurétt á lokatónleikunum

Opið hús 3. mars 2012

Það var afar ánægjulegur dagur hér í Tónskólanum á Opnu húsi á laugardaginn var. Fjölmargir lögðu leið sína í skólann, hlustuðu á nemendur og fengu sér kaffi og vöfflur.

Það var þröng á þingi en eins og máltækið segir, þröngt mega sáttir sitja.

Við þökkum nemendum tónlistarflutninginn, mömmunum, sem bökuðu vöfflurnar og öllum sem lögðu leið sína í skólann fyrir komuna.

Opið hús – Myndir

Sinfóníuhljómsveit tónlistarskólanna

Sinfóníuhljómsveit tónlistarskólanna var stofnuð haustið 2004 og hafa hljómsveitarnámskeið verið haldin á vegum hennar í janúarmánuði undanfarin sjö ár. Áttunda námskeiðinu er nú að ljúka og verða af því tilefni haldnir tónleikar í Eldborgarsal Hörpu, sunnudaginn 29. janúar 2012 kl. 16:00. Stjórnandi er Guðmundur Óli Gunnarsson og leikur Ragnar Jónsson einleik á selló. Auk þess fær hljómsveitin að þessu sinni til liðs við sig kóra Menntaskólans í Reykjavík og Flensborgarskólans í Hafnarfirði. Tveir nemendur úr Tónskóla Eddu Borg tóku þátt í námskeiðinu að þessu sinni, sellónemendurnir; Kristín Gyða Hrafnkelsdóttir og Jón Pétur Snæland. Skólastjórn og kennarar Tónskóla Eddu Borg hvetja foreldra nú að fara með börnum sínum að hlusta á þetta frábæra verkefni tónlistarskólanna og ýta þannig undir enn frekari áhuga á klassískri tónlist.