Forskóli

Forskólinn skiptist í tvær deildir;

• Forskóli I fyrir börn 6-7 ára (tvisvar sinnum 45 mín á viku) og
• Forskóli II (tvisvar sinnum 45 mín á viku) fyrir börn 8-9 ára.

Kennt er á mánudögum og fimmtudögum í vetur.

Markmið forskólans er að búa nemendur sem best undir hljóðfæranám. Nemendur fá alhliða þjálfun í tónlist. Mikið er lagt upp úr að nemendur læri tónlist í gegnum söng, hlustun, hreyfingu, leik og sköpun. Ýmis tákn og hugtök tónlistarinnar eru kynnt og nemendum er kennt að leika á ásláttarhljóðfæri. Einnig læra nemendur að leika á blokkflautu. Félagslegi þátturinn er mjög viðamikill í forskólanáminu, þar sem kennt er í hópum.

Forskólanemendur taka virkan þátt í tónleikahaldi skólans.

Aftur Upp